3Mu rukerera rwo kuri uyu wa mbere nibwo abakinnyi n’abayobozi ba Club Africain bageze mu Rwanda baje gucakirana n’ikipe ya APR FC mu mikino ya CAF Champions League 2018-2019.
Club Africain yo muri Tunisia yazanye delegation y’abagera kuri 30 barimo abakinnyi, abatoza, abaganga n’abandi baherekeje.
Iyi kipe iri mu zikunzwe muri Tunizia yageze mu Rwanda Saa saba na makumyabiri z’igitondo cyo kuri uyu wa mbere tariki 26 Ugushyingo 2018, ihita yurira imodoka yari yateguriwe kubajyana kuri Lemigo Hotel bacumbitsemo.
Club Africain ije mu Rwanda ibura abakinnyi 2 bayo bakomeye barimo myugariro umwe ndetse n’ukina hagati bavunitse.
APR FC na Club Africain zizacakirana kuwa gatatu tariki 28 Ugushyingo 2018 kuri Stade ya Kigali guhera saa cyenda n’igice z’umugoroba.
NIYONZIMA Theogene
